یئتیشیبدی گینه یازلی بایرام
سؤز وئرمیشم یاری قوناخ چاغیرام
اورگیمین سؤزون اونا باغیرام
آنلادام ارگنه گوندی بایرام
ایستیعم آدیندان ماهنی قاییرام
سئوگینی سؤزوندن اؤزومی دویورام
کئچن آجی گونلری سئچم آییرام
بیلدیرم ارگنه گوندی بایرام
آنیلاریملا گینه اوشاغ اولویام
یئنی ایلده یئنی پالتار آلیام
گزدیگیم یئرلری بیر بیر ساییرام
بیلمزدیم ارگنه گوندی بایرام
آتالار سؤزودی پای آپارام
پوسته نی، گیرده کانی، جویزی قاتارام
بایراملیغ آلماغا قورساغ آتارام
بَلّی دی ارگنه گوندی بایرام
چوخ ساغ اول تانریم بو یورتدا قالیام
گؤزونه قوربان آناما اوخویام
آتامی اورکدن سایغیلاییرام
دیه نده ارگنه گوندی بایرام
آند ایچیب دوز یولا آیاخ قویورام
آتامی، آنامی، باجیمی قورویام
داغلارا چیخیب هارایلاییرام
ائشیدون داغلار ارگنه گوندی بایرام
اوزگونلوگه بیر سون قویورام
یئرآلمانی، سوغانی سویورام
آخشاما دادلی یئمک قویورام
اَیلَنون ائلیم ارگنه گوندی بایرام
بو بیزیم گه-له نَی نیه دانیرام
تانری وئردیگین یئدّیسین آلیرام
دوزیعم یان یانا یولا باخیرام
بیزه گلن وار ارگنه گوندی بایرام
بایراموز قوتلو اولسون
یازار: آلماسلی حامید